በአሁኑ ወቅት ከተማችንን ብሎም ክልላችንን በፍጥነት ለማልመትና ለማሳደግ፣ የስራ አጥ ቁጥርን ለመቀነስና ድህነትን  ለመቅረፍ የኢንዱስትሪው ክፍለ ኢኮኖሚ የመሪነቱን ሚና ይጫወታል፡፡ ስለሆነም መንግስት አምራች ኢንዱስትሪዎችን ልዩ ትኩረት በመስጠት ከተማችንን ሆነ ክልላችንን ወደ ተሻለ ደረጃ ለማሳደግ በርብርብ ላይ ይገኛል፡፡ በሃገራችን ለረጅም ጊዜ ተንሰራፍቶ የቆየዉን ስር የሰደደ ድህነትን በማስወገድ በምትኩ ለዜጎቻችን የተሻለ የገቢ ምንጮችን በመፍጠር የኑሮ ደረጃቸዉን በማሻሻል በአለም ላይ ከሚገኙ መካከለኛ ገቢ ካላቸዉ የአለም አገራት ተርታ ለማሰለፍና በከተሞች ድህነትን ለመቀነስና የነዋሪዉን የኑሮ ሁኔታ ለማሻሻል በዋናነት ከተዘረጉት ስትራቴጂዎች ዉስጥ የኢንዱስትሪው ክፍለ ኢኮኖሚ የመጀመሪያዉን ስፍራ እንደሚይዝ ይታወቃል፡፡